እግዚኣብሄር ሓደ ኣምላኽ ምኻኑ መሰረት ብምግባር ንብዙሕነት እግዚኣብሄር ንክርዳእ የድልየና። ኣብ መጽሓፍ ቅዱስ ብዙሕነት እግዚኣብሄር ማለት ኣምላኽ ካብ ሓደ ንላዕሊ ኣካል ከምዘለዎ ብብዙሕ መንገድታት ተገሊጹ ኣሎ። እግዚኣብሄር ሓደ ኣምላኽ እዩ፥ ሰለስተ ኣካላት ከኣ ኣለውዎ።
10/01/2004

እግዚኣብሄር ሓደ ንሱ ጥራይ ኣምላኽ ኮይኑ ሰለስተ ኣካላት ድማ ኣለውዋ። ነዚ ሓቂ ንምርዳእ ብሓቂ ምግላጽ ኣማላኽ ዘድልዮ እዩ። ቅድሚ ሰለስትነት ኣምላኽ ምርኣይና ንሓድነት እግዚኣብሄር ክንርድኦ የድልየና። ነዚ መሰረት ብምግባር ድማ ንሰለስትነት እግዚኣብሄር ከነስተውዕሎ ንኽእል።
03/01/2004

ትምህርቲ ስላሴ ትምህርቲ ምግላጽ (ኣስተርእዮ) ከም ምኳኑ መጠን፡ ናይ ኣምልኾ ትምህርቲውን እዩ። ምስጢረ ስላሴ ናይ ምድሓን ትምህርቲ እዩ። ምስጢረ ስላሴ ናይ ሓድነት ትምህርቲ እዩ። ምስጢረ ስላሴ ትምህርቲ ትሕትና እዩ። ኣብ መወዳእታ ድማ ምስጢረ ስላሴ ናይ ምእዛዝ ትምህርቲውን እዩ። ስለዚ እዩ ነብዩ ኢሳያስ ክብሪ ኣምላኽ ምስ ረኣየ ቅዱስ፡ ቅዱስ፡ ቅዱስ እዩ እግዚኣብሄር ጐይታ ሰራዊት ኢሉ ናብ ኣምልኾ ዝኣተወ። ስለዚ ከኣ እዩ፡ ኣነ ከናፍረይ ዝርኹስ ሰብ እየ ኢሉ ትሕት ዝበለን ካብ ሓጢኣት ዝደሓነን። ስለዚ ድማ እዩ ንኣይ ልኣኸኒ ኢሉ ዝተኣዘዘ። ነዚ ምስጢር እዚ ብዝተረዳእናዮ መጠን ኣብ ህይወትና ከምዚ ዝበለ ባህርያት ኪስልጥን ይግብኦ። ኣምላኽ ብምግላጽ ይባርኸና።
27 ታሕሳስ 2003

እግዚኣብሄር ደረት ሰገር ኣምላኽ እዩ። እዚ ትምህርቲ እዚ ልዕሊ ኣእምሮና ኪኸውን ምኽኣሉ ዚገርም ኣይኰነን። እግዚኣብሄር ብሓድነቱን ሰለስትነቱን ምስጢር እዩ። ንምንታይ ኢና ግና ምስጢረ ስላሴ ንመሃር፧ ትምህርቲ ስላሴ ትምህርቲ ምግላጽ እዩ። ንወዲ ኣቦ ጥራይ ከም ዝፈልጦ፡ ንኣቦ ድማ ወዲ ጥራይ ከም ዚፈልጦ ነዚ ምግላጽ እዚ ውን ካብ ኣምላኽ ኪንቅበሎ ኣሎና። ነዚ ምስጢር እዚ ካብ መድረኽ ጥራይ ኪንጽበዮ ኣይግብኣናን። እምነትና ብስልጣን ኣምላኽ ክትስረት ይግባእ። ስለዚ ክንጽልን፡ ኣብ እግዚኣብሄር ክንውከልን ከድልየና እዩ። እቶም ንእግዚኣብሄር ክርድእዎ ዝኽእሉ ድማ እቶም ሓሳብ ክርስቶስ ዘለዎም እዮም። ስለዚ ብምሕዳስ ሓሳብና ንለወጥ። ኣብ ቤት ኣምላኽ ምምልላስ ምእንቲ ኣሰልቻዊ ነገር ከይኰነና እሞ ካልእ ኣማራጺ ሃሰው ከይንብል ብምግላጽ ኣምላኽ ንዕበ። ኣምላኽ ይደግፍ !
27 ታሕሳስ 2003

መጠቓለሊ ናይዚ ትምህርቲዚ፡ መልሲ ናይዝቐረቡ ሰለስተ ሕቶታት። እታ ቀዳመይቲ ኣብ ማቴ 10:42 ዘላ ጣሳ ዝሑል ማይ ዘስተየ እዃ ዓስቡ ከምዘይስእን ኣብ ዝብል እያ። እታ ካልኣይቲ ድማ ኣብ ማቴ 16:27-28 ዘላ፡ “ካብ እዞም ኣብዚኣ ደው ኢሎም ዘለዉ ፡ ንወዲ ሰብ ብመንግስቱ ኪመጽእ ከሎ ኽሳዕ ዚርእይዎ ፡ ንሞት ከቶ ዘይጥዕምዋ ኸም ዘለዉ፡” እትብል እያ። እቲ ሳልሳይ ድማ ክንደይ ትንሳኤ ኣሎ ዝብል እዩ። ብዘይካዚ ነተን ኣብ ማቴ 25 ዘለዋ ሰለስተ ምስላታት ናይ ምጽኣት ክንርኢ ኢና። እዚ ብዛዕባ እተን ዓሰርተ ደናግል፡ ብዛዕባ እቶም መኽሊት ዝተቐበሉን፡ ብዛዕባ እቲ ኣብ ምድሪ ከሎና ኪህልወና ዚግባእ ስነ-ምግባርን እዩ።