ኣብ ደገኻ ዝረአ ድኻም እንተሃልዩ ኣብ ውሽጥኻ ዝመንጨወ ኣብቲ ኣብ ውሽጥኻ ዘሎ መዝገብ ዝመንጨወ ምኻኑ ክትዝንግዕ ኣይግባእን። ነቲ ንገብሮ ዘሎና ነገር ኣብ ውሽጥና ዘሎ ድጉል ናይ ዝሙት ፈተነ ነጸብራቕ ይኸውን ኣሎ፡ ውሽጥና ካብ ምምሉኡ ዝተላዕለ ይጎስዕ ኣሎ። ስለዚ ከኣ ኣብ ደጌና ናይ ዝሙት ነጸብራቕ እናዓዘዘ እና ዓዘዘ ኣብ ምቕላዕ ንኸብር ክንዲ ኣብ ምኽዳን።
ብዕለት 09/03/2003

እግዚኣብሄር ምስዘልዕል፡ ………………እግዚኣብሄር ምሕረቱ ምስዘብዝሕ፡………………………
– እግዚኣብሄር ምሕረቱ ምስዘብዝሕ፡ ክልተ ዘይራኸብ ጫፍ ይራኸብ፡
– ኣብ ጸቢብ ደረት ደቂ ሓዉቦ ተሳንዮም ይቕመጡ፥ ምሕረቱ ከልዕል እንከሎ ኸኣ ምድሪ ብጎልጎሉ ይጸቦም፡
– እግዚብሄር ምሕረቱ ዘዕዘዘላ ነፍሲ እንዳተነጥቀት እንዳዓበየት ትኸይድ፡
– እግዚኣብሄር ምሕረቱ ምስ ዘብዝሕ ክልተ ዘይሳነዩ ሰብ ሓዳር ብፍቕሪ ይነብሩ፥
– ኣብ ሃገርና ንደልዮ ሰላም፡ በረኸት ብምሕረት እግዚኣብሄር ጥራይ ኢና ንቕበሎ።

ፍርሃት እግዚኣብሄር ናይ ጥበብ መጀመርታ እዩ። ናብ ልዕል ዝበለ በሪኽ ቦታ ንምኻድ ሰባት ንእሽተይ ስጉምቲ ብምስጓም እዮም ዝጅምርዎ። ፍርሃት እግዚኣብሄር ኣብ ምግልጋልን፣ ምስ ኣምላኽ ኣብ ምምልላስን ወሳኒ ተራ እዩ ዘለዎ። ቀርኔሎዎስ ብፍርሃት እግዚኣብሄር ዚነብር ሰብ ስለ ዝነበረ እዩ ኣምላኽ ንምጽዋቱን ጸሎቱን እተቐበሎ። ዮሴፍ ፍርሃት ኣምላኽ ስለ ዝነበሮ ምቹእ ናይ ዝሙት ኣጋጣሚ ረኺቡ እንከሎ፣ ካብዚ ነገር እዚ ኪሃድም መሪጹ። ስለዚ ድማ ኣምላኽ ናብ ንግስነት ልዕል ኣቢልዎ። ቃል ኣምላኽ፣ “ነቶም ዝፈርሁኻ ዝዓቖርካሎም፣ ነቶም ኣባኻ ዝምሕጸኑ፣ ኣብ ቅድሚ ደቂ ሰብ ዘዳሎኻዮ ለውሃትካ ክንደይ ዓብዪ እዩ።” ይብለና እዩ’ሞ ንፍርሃት እግዚኣብሄር ናትና ንግበሮ።

ዕንበባ ጽጌረዳ ትርኢታ እተብህግ ግናኸ ኣብ ጉንዳ እሾኽ ዘለዋ ንግስቲ ዕንበባታት እያ። ኣብዚ ምድሪ እዚ ክሳዕ ዘሎና፣ ህይወት ከምኡ ኪትከውን እያ። ናይ ገሌና መንፈሳዊ የዒንቲ ዕጽው ካብ ምዃኑ ዝተላዕለ ኣብቲ እሾክ ንዘሎ ጽቡቕ ነገር ምርኣይ ንስእን እሞ፣ ንህይወት ብምምራር ነሕልፋ። ኣምላኽ፣ መንፈሳዊ የዒንትና ኪኸፍት እሞ፣ ኣብቲ ክፉእ ዝመስል ነገር ጹብቕ ክንርኢ እይዩ ዚደሊ። “ኣብ ሕግኻ ተኣምራት ክርእስ ኣዒይንተይ ክፈተለይ” ኢሉ ዘማራይ ዳዊት። ስለዚ ኣብ ክፉእ ዝመስል ነገር፣ ተኣምራት እግዚኣብሄር እናስተማቐርና፣ ንህይወትና ብምስጋና ኪንመልኣ ኣምላኽ ንህይወትና ይዛረብ። እቲ ምስጋና ነቲ እሾኽ ናብ ዘየለ ከምጽኦ’ውን ሓይሊ ኣለዎ።
14/04/2002

ሎሚ ኵነታት ሃገርናን፡ ህዝብናን፡ መንእሰያትናን ኣዝዩ ኣሰካፊ እዩ ዘሎ። ቃል ኣምላኽ ድማ ብህድኣትን፡ ብዘይ ህውከትን ምእንቲ ክንነብር ቅድሚ ኩሉ ብዛዕባ መራሕትና ክንጽሊ ከም ዝግብኣና እዩ ዚነግረና። ምእንቲ ከይንጽሊ ሐልዮት ሓዳር፡ ስኽራንን ስስዐን እዮም ዝኽልክሉና እሞ፡ ነዚኣም ካብ ህይወትና ብምርሓቕ፡ ኣምላኽ ብዛዕባ ምድርናን፡ ህዝብናን ብጾምን ጸሎትን ኪንነቅሕ ይደልየና ኣሎ። ከምቲ ዮናስ እታ መርከብ ብዙሕ እናተሐቝነት እንከላ ዝደቀሰ፡ እንድቅስ ዘይኰንናስ፡ ካብ ድቃስ እንበራበረሉ ጊዜ ከም ዝበጽሐን ክንርዳእን ሓላፍነትና ከነልዕልን ይግብኣና።
1 የካቲት 2004