ኣብዚ ዛንታታት መጽሓፍ ቅዱሳዊ ንህጻናት ተዳልዩ ኮይኑ ብዝያዳ ድማ ብመልክዕ ስእሊ ዝቐረበን ከምኡ ውን ካልእ ትሕዝቶታት ዘለዎ ሰደቓ ሰንጠረዥ እንታይ ተማሂርካ ዝብልን ኣዝግኑኒ ከኣ ንህጻናት ዝጠቅም እዋናዊ ትምህርቲ ቀዳማይ ክፋል ቀሪባ ኣላ።

ደቀየ ፍርሃት እግዚኣብሄር ክምህረኩምሲ:ንዑ ስምዑኒ! መዝ 34:11 መእተዊ መጽሓፍ ቅዱስ ካብ ዝተጻሕፉ ናይ ታሪኽ መጻሕፍቲ ኩሎም ዝበለጸ እዩ:: ካብ መጀመርታ ምዕራፍ ናይ ዘፍጥረት ክሳብ መወዳእታ ምዕራፍ ናይ ራእይ ዮሃንስ ብታሪኽ ዝተመልአ እዩ። ዛንታታት መጽሓፍ ቅዱስ ንብዙሕ ኣሽሓት ዓመታት ተደጋጊሙ ተዘንትዩ። ይኹን እምበር ኣብ ኩሉ ዘመናት መቐረቱን ጥቕሙን ኣይጎደለን።